في البدايه بشكركم جدا انكم عملتوا منتدى باسم حبيبى ابونا بيشوى كامل
صدقونى لو هقول كل حاجه بيعملها معايا ابونا بيشوى كامل مش هيخلص الكلام
لكن هاحكيلكم اول لمسات لابونا بيشوى كامل في حياتى
من سنتين كان عندى امتحان وكانت الماده جديده علينا وصعبه جدا وكلها حفظ في حين انها اصلا صعبه للفهم فالبتالي حفظها شبه مستحيل وحتى الدكتوره اللى بترسها لنا كانت منتدبه جديد ف الجامعه ومش عارفين نظامها ايه ف الامتحانات وبتحب ايه ف الاجوبه. المهم ان ظروف المده دى كلها كانت صعبه.
الى جانب كده ان انا ف الايام اللى قبل الماده انشغلت بخدمة معينه وكان لازم اكون فيها ودا خلانى لا اذاكر ولا حتى الاقي وقت اخلص الماده قرايه
طلبت شفاعه بونا بيشوى كامل ف الماده وقلت له اتصرف فيها لانك شايف الظروف وطلبت منه اى علامه بانه هيكون معايا. يعنى طلبت انه حد يجيب سامه او صورته قدامى اى حاجه يعنى عنه قبل اللجنه. لكن باقي عشر دقايق والامتحان يبتدى وابونا مقاليش انه معايا. وخلاص بقفل الموبايل لقيت رساله جات لى بتقول" لا امان بدون ايمان" من اقوال ابونا بيشوى كامل.
صدقونى انا كنت هطير م الفرح والسلام اللى كان جوايا ساعتها واستلمت الورقه وانا مطمنه جدااا
ويوم النتيجه اتفاجئت ان نجحت وتقديرى جيد جدا وصدقونى مفيش حد كان عارف ظروف الماده ولا انى طلبت شفاعه ابونا بيشوى كامل فيها
وعرفت بعدها ان الحد اللى بعت لى الرساله مكنش يعرف ان عندى امتحان يعنى ابونا بيشوى مظبط كل حاجه.
حقيقي فرحت انى نجحت ف الماده لكن كان فرحى الاكتر هو احساسي بان السما سامعه صلاتنا وان ابونا بيشوى فعلا حاسس بكل ولاده ودايما ساندهم بصلاته وشفاعته
فعلا ابونا بيشوى اب بجد اب بمعنى الكلمه وشفاعته قويه ومقبوله. اتمنى انكم كلكم تطلبوا صلاته وشفاعته وهتلمسوها جدا وهتفرق معاكم
بركة ابويا وحبيبيى ابونا بيشوى كامل تكون معاكم ومعايا امييييييين
الأربعاء أكتوبر 21, 2009 12:35 am
